Mjedisi është shtëpia e çdonjërit prej nesh, ndaj mjedisi kërkon përkujdesjen e gjithsecilit nga ne!
Me këtë slogan Rrjeti i Qendrave për Zhvillim Komunitar “Sot për të Ardhmen” beson se edukimi është mënyra më e mirë për të sjellë një ndryshim të qëndrueshëm, ndaj çdo vit zhvillon një sërë inisiativash e aktivitetesh në mbarë komunitetin për çështjet mjedisore, si dhe realizon ndërhyrje konkrete për përmirësimin e kësaj situate në disa zona të qytetit.

Kjo fushatë është gjithëpërfshirëse përsa i përket target-grupeve të përfshira,si dhe impaktit. Fushatat mjedisore kanë edhe një tjetër specifikë, të cilën Rrjeti “Sot për të Ardhmen” me shumë përkushtim e çon përpara: Çdo kush mund të jetë personalisht dëshmitar i ndryshimeve mjedisore, e kjo është mënyra më  e mirë e ndërgjegjësimittë vetë qytetarëve, të cilët mund të provojnë sesi një kontribut modest mund të sjellë një ndryshim të madh.

---

ACHIEVE 2017

Në Ditën Ndërkombëtare të Tokës, Qendra për Zhvillim Komunitar “Sot për të Ardhmen”, në bashkëpunim me shkollën “E Re” ndërmorrën një fushatë pastrimi në zonën e ish-Kënetës me angazhimin e të rinjve, fëmijëve, mësuesve dhe anëtarëve të komunitetit. Kujdesi dhe dashuria për mjedisin fillon nëse e kultivojmë atë në moshë të hershme. Të rinjtë dhe fëmijët kanë punuar gjatë këtij muaji për prodhimin e posterave dhe materialeve të ndërgjegjësimit, të cilat u shpërndanë në komunitet gjatë aktivitetit. Ata pastruan ambientet rreth shkollës dhe disa hapësira në komunitet. Mbetjet u grumbulluan në vende për të cilat në bashkëpunim me shkollën u njoftua Ndërmarrja e Shërbimeve Komunale për evadimin.