Rrjeti i Qendrave për Zhvillim Komunitar “Sot për të Ardhmen”, i kushton vëmendje të veçantë fëmijëve.

Program i parashkollorit aplikohet në kopshtet ditore “Fluturat” të Qendrave Komunitare të Rrjetit “Sot për të Ardhmen” në Durrës dhe Pukë, si një shërbim dedikuar komuniteve përreth.

Kopshtet “Fluturat” ofrojnë program mësimor për kopsht dhe parashkollor, aktivitete krijuese, lojra, ambiente argëtimi të brendshme dhe të jashtme, ekskursione, shëtitje, kujdes higjenik, shëndetsor dhe ushqimor.

Programi mësimor është zhvilluar sipas një kurrikule e përshtatshme dhe bashkëkohore, e ndërtuar për t’i shërbyer zhvillimit tërësor të fëmijës parashkollor. Ky program ndihmon në zhvillimin intelektual, gjuhësor, emocional, social, njohës dhe fizik të fëmijës parashkollor gjatë procesit edukativ.