THIRRJE PËR APLIKIM

për

BOOTCAMP “Shpërthe idetë”

Thirrja për aplikime hapet për të gjithë të rinjtë të moshës 19 – 25 vjeç, të cilët nuk kanë mjaftueshëm mundësi ekonomike, mbështetje apo njohuri për të çuar përpara ëndrrën për të filluar një ide, apo për të punuar në fushën e turizmit!

Mëso me ne se si ëndrra të kthehet në IDE dhe Ideja në BIZNES e PUNË në TURIZËM!

Hap pas Hapi në Bootcamp-in “Shpërthe idetë”

Në dy programe intensive në lëvizje nga Veriu në Jug, përgjatë bregdetit Shqiptar, ku të rinjtë do zhvillojnë aftësitë e tyre personale dhe ndërpersonale, vetë-vlerësimin dhe motivimin, sipërmarrjen dhe elementët e biznesit, për të nisur dhe punuar suksesshëm në turizëm përgjatë gjithë vitit.

KAPE SHANSIN!

Pjesëmarrja në BootCamp është e limituar deri në 60 veta për të dy programet gjithsej.

PLOTËSO FORMULARIN!
Kliko: Formulari i Aplikimit
(format word-i)

Dërgoje me email: info@cdc-tff.org

Brenda datës: 25 Janar 2018

Kujdes:

Bootcamp është vetëm fillimi i mbarë dhe gjysma e punës! Idetë më të mira do të kenë shansin për t’u promovuar dhe mbështetur më tej.

Kriteret për aplikim:

• Të rinj të moshës 19 – 25 vjeç
• Banues në zonat kodrinore dhe malore të bregdetit shqiptar, të bashkive Malësi e Madhe, Shkodër, Lezhë, Kurbin, Durrës, Kavajë, Rrogozhinë, Divjakë, Fier, Vlorë, Himarë, Sarandë dhe Konispol.
• Që ndihen të pafavorizuar ekonomikisht 

Kjo thirrje bëhet në kuadër të projektit “Nga rëra te shkëmbi! Të rinjtë shpalosin idetë për të punuar në fushën e turizmit gjatë 12 muajve të vitit” i zbatuar nga Qendra për Zhvillim Komunitar “Sot për të Ardhmen” mbështetur nga GIZ/ProSEED.